Եմենին հասցված օդային հարվածների զոհ է դարձել յոթ մարդ
![](https://www.noror.am/sites/default/files/styles/header_image/public/header-images/emen.jpg?itok=P7bhBwvU)
Ավելի քան յոթ մարդ է զոհվել Եմենում տեղ ունեցած ավիահարվածի հետևանքով. այս մասին տեղեկացրել է «Ռոյթերս» գործակալությունը:
Լրատվականի տվյալներով՝ հրթիռակոծվել են Սանայի արևմտյան արվարձանները: Նշվում է, որ զոհերից հինգը խաղաղ բնակիչներ են:
Սաուդյան Արաբիայի ղեկավարած կոալիցիան, որը պարբերաբար ռմբակոծում է ապստամբ հուսիների կողմից գրավված Սանան, առայժմ չի մեկնաբանել կատարվածը:
Նշենք, որ 2014 թ. օգոստոսից Եմենում շարունակվում է կառավարական ուժերի և հուսիների հակամարտությունը: Այն առավել ակտիվ փուլ է մտել 2015 թ. մարտին, երբ հակամարտությանը միջամտել է Սաուդյան Արաբիայի ղեկավարած կոալիցիան: