Չեխիայում խորհրդարանի Ստորին պալատի ընտրություններին կմասնակցի 31 քաղաքական միավոր
31 քաղաքական կուսակցություններ կմասնակցեն Չեխիայի Խորհրդարանի Ստորին պալատի ընտրություններին, որն անցկացվելու է այս տարվա հոկտեմբերի 20-21-ին։ Այս մասին ասվում է Պրահայի քաղաքապետարանի և երկրի մյուս 13 շրջանների վարչակազմերի տարածած հաղորդագրության մեջ։
«Հաստատվել է ընտրություններին մասնակցել ցանկացող բոլոր կուսակցությունների դիմումները», - ասվում է փաստաթղթում։
Նշվում է, որ ընտրություններին մասնակցող բոլոր կուսակցություններն ու դաշինքները ներկայացված են լինելու բոլոր ընտրատեղամասերում։ Պրահայում ընտրողների ձայները ստանալու համար կպայքարեն քաղաքական 29 միավորներ։
Հատկանաշական է, որ նախորդ խորհրդարանական ընտրություններին մասնակցել է 8-ով ավելի քիչ՝ 23 քաղաքական միավոր։
10,6 միլիոն բնակչություն ունեցող Չեխիայում ընտրություններին մասնակցելու իրավունք ունի 8,5 միլիոն մարդ։ Նրանք պետք է ընտրեն Խոհրդարանի Ստորին պալատի 200 անդամների, որոնք էլ զբաղվելու են հիմնական օրենսդիր աշխատանքով։ Չեխիայում Խորհրդարանի Վերին պալատի (Սենատ) ընտրություններն անցկացվում են առանձին։