Լաս Վեգասում տեղի ունեցած կրակոցների հետևանքով զոհերի հասել է 50-ի
Լաս Վեգասի Mandalay Bay Hotel հյուրանոցային մահալիրի մոտ տեղի ունեցած կրակոցներկի հետևանքով զոհերի թիվը գնալով աճում է։ Վերջին տվյալների համաձայն՝ զոհվել է մոտ 50 մարդ, իսկ վիրավորների թիվը հատում է 200-ը։ Տեղեկացնում է Ruptly TV-ն։
Աղբյուրի համաձայն՝ ոստիկանությունը պարզել է հանցագործի ինքնությունը՝ տեղի բնակիչ 64-ամյա ոմն Սթիվեն Փեդոք, որն ինքնասպան էր եղել վնասազերծման ժամանակ։ Իրավապահներն սկսել էին նաև հանցագործի զուգընկերուհու՝ ոմն Մարի Լու Դենլիի որոնման աշխատանքները, որը ճանապարհորդել է հանցագործի հետ։ Ավելի ուշ հայնտի էր դարձել, որ իրավապահները գտել են աղջկան։
Հիշեցնենք, որ ավելի վաղ Լաս Վեգասի հայնտի Mandalay Bay խաղատան մոտ զինված անձն անկանոն կրակ էր բացել country-music երաժշտական փառատոնի մասնակիցների ուղղությամբ։ Ոստիկանությունը փակել է մոտակա փողոցները, իսկ Լաս Վեգասի օդանավակայանը ժամանակավորապես դադարեցրել է թռիչքները։