Հյուսիսային Կորեան Ղրիմը համարում է Ռուսաստանի մաս
Փհենյանում թողարկվել է աշխարհագրական նոր քարտեզ, որտեղ Ղրիմը ներկայացված է որպես Ռուսաստանի մաս։ Այս մասին հայտնում է Հյուսիսային Կորեայում ՌԴ դեսպանատունը։
Փհենյանում ռուսական դիվանագիտական ներկայացուցչության տվյալներով՝ հյուսիսկորեական «Ուսումնական հանրագիտարան» կոչվող հրատարակության 240-242 էջերում Ղրիմը ներկված է Ռուսաստանի գույներով։
«Հյուսիսային Կորեայի արտաքին գործերի նախարարությունը մեզ հայտնեց, որ իրենք ընդունում են Ղրիմում անցկացված հանրաքվեի արդյունքները՝ Ղրիմի Ռուսաստանին միացումը համարելով լեգիտիմ և միջազգային իրավունքին համապատասխան», - ասվում է Փհենյանում ՌԴ դեսպանատան տարածած հաղորդագրության մեջ։
Նշվում է նաև, որ Հյուսիսային Կորեան վերոնշյալ հարցի վերաբերյալ իր դիրքորոշումը հայտնել է ՄԱԿ-ում կայացած քվեարկության ժամանակ։ «Փհենյանը նույն կերպ է վերաբերվում նաև Կուրիլյան կղզիների հարցին», - հայտնում է ՌԴ դեսպանատունը։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
