Իսպանիայի իշխանությունները որպես խնդրի լուծում չեն դիտարկում Կատալոնիա զորք մտցնելու տարբերակը
Իսպանիայի կառավարությունը որպես խնդրի լուծում չի դիտարկում Կատալոնիա զորք մտցնելու տարբերակը։ Այս մասին ՏԱՍՍ-ի հետ զրույցում հայտնել է Իսպանիայի արտաքին գործերի և համագործակցության նախարար Ալֆոնսո Դաստիս Կեսեդոն։
Լրագրողի ուղիղ հարցին՝ արդյոք նախատեսվում է խդիրը կարգավորելու համար զորք մտցնել Կատալոնիա, նախարարը պատասխանել է․ «Նման կանխատեսում չկա, քանի որ Իսպանիայի կառավարությունը մտածում է խնդիրը երկրի օրենսդրության շրջանակներում կարգավորելու ուղղությամբ»։
Անդրադառնալով Կատաոնիայի կառավարության կողմից անկախության հռչակման հնարավորությանը՝ նախարարը նշել է․ «Այդ պարագայում կառավարության գործողությունները շատ չեն տարբերվի սահմանադրության արդեն կիրառված 155-րդ հոդվածից»։
Հոկտեմբերի 21-ին Իսպանիայի վարչապետ Մարիանո Ռախոյը հայտարարել էր, որ պատմության մեջ առաջին անգամ կիրառում է սահմանադրւթյան 155-րդ հոդվածը։ Սա նշանակում է, որ Մադրիդը զբաղեցրած պաշտոնից ազատ է արձակում Կատալոնիայի ողջ կառավարությանը։ Բացի դրանից, Իսպանիայի իշխանությունները ցանկանում են առաջիկա կես տարվա ընթացքում նոր ընտրություններ անցկացնել Կատալոնիայում։ Իսպանիայի Սենատը պետք է հաստատի կառավարության որոշումը հոկտեմբերի 27-ին։
Հիշեցնենք, որ հոկտեմբերի 1-ին Կատալոնիայում անցկացվել է անկախության հանրաքվե, որը չի ընդունում պաշտոնական Մադրիդը։ Ընտրելու իրավունք ունեցող 5,3 միլիոն քաղաքացիներից հանրաքվեին մասնակցել է 2,2 միլիոնը, որի ավելի քան 90%-ը կողմ է քվեարկել անկախությանը։