Մոսկվան աջակցում է Իսպանիայի տարածքային ամբողջականությանը․ Զախարովա
![](https://www.noror.am/sites/default/files/styles/header_image/public/header-images/zaa8wva.jpg?itok=QnEXnId3)
Կատալոնիայում տիրող իրավիճակի վերաբերյալ Ռուսաստանի դիրքորոշումը մնում է անփոփոխ։ Այս մասին ՏԱՍՍ-ին հայտնել է ՌԴ արտաքին գործերի նախարարության մամուլի խոսնակ Մարիա Զախարովան։
«Մեր դիրքորոշումն անփոփոխ է», - ասել է Զախարովան՝ մեկնաբանելով Իսպանիայում տիրող իրավիճակը։
Նա ընդգծել է, որ Կատալոնիայի շուրջ ստեղծված իրավիճակը Իսպանիայի ներքին գործն է, իսկ Մոսկվան հարգում է Իսպանիայի ինքնիշխանությունը և տարածքային ամբողջականությունը։
«Այսպես կոչված անկախության հանրաքվեն, ինչպես նաև տեղական օրենսդիրների այլ միակողմանի նախաձեռնությունները մեկնաբանում ենք այս հարցի շուրջ Իսպանիայի Սահմանադրական դատարանի կայացրած որոշումների համատեքստում», - շարունակել է Զախարովան։
Հիշեցնենք, որ երեկ՝ հոկտեմբերի 27-ին, Կատալոնիայի խորհրդարանը ձայների գերակշիռ մեծամասնությամբ հավանության է արժանացրել Իսպանիայից անկախանալու մասին բանաձևը։ Ավելի ուշ Իսպանիայի Սենատը հավանության է արժանացրել սահմանադրության 155-րդ հոդվածի կիրառումը։
Նախարարների խորհրդի նիստից հետո վարչապետ Ռախոյը հաստատել է վերոնշյալ հոդվածը կիրառելու մասին որոշումը։ Նա նաև հայտարարել է Կատալոնիայի խորհրդարանի լուծարման, ինչպես նաև ինքնավարության ղեկավար Կարլոս Պուչդեմոնին և ոստիկանության պետին աշխատանքից ազատելու մասին։ Ռախոյը Կատալոնիայի խորհրդարանի նոր ընտրություններ է նշանակել դեկտեմբերի 21-ին։
Vanguardia թերթը նշում է, որ Պուչդեմոնը ստպված կլինի լքել զբաղերած պաշտոնը, եթե համապատասխան հրամանագիրը հրապարակվի Իսպանիայի կառավարական պաշտոնաթերթում։ Պուչդեմոնի հրաժարական չտալը կդիտվի որպես իշխանության յուրացման փորձ։