Կատալոնիայի ղեկավարի լիազորությունները փոխանցվել է Իսպանիայի փոխվարչապետին
Իսպանիայի վարչապետ Մարիանո Ռախոյը Կարլոս Պուչդեմոնին զրկել է Կատալոնիայի վարչապետի լիազորություններից և դրանք փոխանցել իր առաջին տեղակալ Սորայա Սաենս դե Սանտամարիային։ Այս մասին ասվում է Իսպանիայի կառավարության պաշտոնական լրագրում։
Բացի այդ, Իսպանիայի նախարարների խորհուրդն իր վրա է վերցրել Կատալոնիայի կառավարության խորհրդի պատրավորությունները։
Vanguardia թերթի փոխանցմամբ՝ պաշտոնական հրապարակումից հետո Պուչդեմոնի պաշտոնանկությունն օրենքի ուժ է ստացել։ Նրա հրաժարական չտալը կդիտվի որպես իշխանության յուրացման փորձ։
Հիշեցնենք, որ հոկտեմբերի 27-ին, Կատալոնիայի խորհրդարանը ձայների գերակշիռ մեծամասնությամբ հավանության է արժանացրել Իսպանիայից անկախանալու մասին բանաձևը։ Ավելի ուշ Իսպանիայի Սենատը հավանության է արժանացրել սահմանադրության 155-րդ հոդվածի կիրառումը։
Իսպանիայի վարչապետը նաև հայտարարել է Կատալոնիայի խորհրդարանի լուծարման, ինչպես նաև ինքնավարության ղեկավար Կարլոս Պուչդեմոնին և ոստիկանության պետին աշխատանքից ազատելու մասին։ Մարիանո Ռախոյը Կատալոնիայի խորհրդարանի նոր ընտրություններ է նշանակել դեկտեմբերի 21-ին։
Հիշեցնենք, որ հոկտեմբերի 1-ին Կատալոնիայում անցկացվել է անկախության հանրաքվե, որը չի ընդունում պաշտոնական Մադրիդը։ Ընտրելու իրավունք ունեցող 5,3 միլիոն քաղաքացիներից հանրաքվեին մասնակցել է 2,2 միլիոնը, որի ավելի քան 90%-ը կողմ է քվեարկել անկախությանը։