Իսրայելը և Սիրիան կրկին փոխանակվել են ավիահարվածներով
Իսրայելի ռազմաօդային ուժերի ինքնաթիռները Լիբանանի օդային տարածքից հրթիռային հարվածներ են հասցրել Սիրիայի տարածքում գտնվող օբյեկտներին։ Այս մասին հայտնում է Ռիա Նովոստի-ն՝ հղում կատարելով Լիբանանի անվտանգության ուժերի ներկայացուցչի հայտարարությանը։
«Մեր ունեցած տվյալների համաձայն՝ իսրայելական ռազմաօդային ուժերը Լիբանանի Բեքաա շրջանից հրթիռային հարվածներ են իրականացրել Սիրիայում գտնվող ռազմական օբյետների ուղղությամբ», - ասել է լրատվականի զրուցակիցը։
Ավելի ուշ հայտնի էր դարձել, որ Սիրիայի ռազմաօդային ուժերը պատասխան հարվածն են իրականացրել։
«Սիրիական բանակի հրթիռներն անմիջապես արձագանքել են իսրայելական ագրեսիային», - ասել է Սիրիայի ռազմաօդային ուժերի ներկայացուցիչը։
Իսրայելը հրաժարվել է մեկնաբանել Սիրիայի տարածքը հրթիռակոծելու մասին լուրերը։ «Ներկա պահին մենք ձեռնպահ ենք մնում որևէ մեկնաբանությունից», - նշել են Իսրայելի պաշտպանության նախարարության մամուլի ծառայությունում։
Իսրայելի և Սիրիայի զինված ուժերը հաճախ են փոխանակվում նման հարվածներով։ Իսրայելցիները Սիրիայի կառավարական ուժերին հասցվող հարվածները մեկնաբանում են որպես իրենց երկրի ինքնիշխանությանը սպառնացող վտանգները չեզոքացնելու համար անհրաժեշտ քայլ։