Ամերիկյան բանակում արդեն կարող են ծառայել հոգեկան խնդիրներ ունեցող մարդիկ

Միացյալ Նահանգները հանել է հոգեկան խնդիրներ ունեցող մարդկանց բանակ զորակոչելու արգելքը։ Այս մասին հայտնում է USA Today լրատվականը։

Ինչպես նշում է աղբյուրը, ամերիկյան բանակի շարքերն արդեն կարող են համալրել մարդիկ, որոնք տառապում են երկբևեռ աֆեկտիվ խանգարումով, դեպրեսիայով, հարբեցողությամբ կամ թմրամոլությամբ։

Նշվում է, որ այս որոշումը կապված է 2018 թ․ սեպտեմբերին նորակոչիկների թիվը 80 հազարի հասցնելու մտադրությամբ։  

Հիշեցնենք, որ 2009 թ․ ԱՄՆ-ի իշխանությունները բանակում ծառայելու արգելք էին դրել հոգեկան խանգարումներ ունեցող մարդկանց նկատմամբ։ Այս որոշումը կապված էր բանակում ինքնասպանությունների թվի զգալի աճի հետ։