New York Times-ը մեկնաբանել է, թե ինչու է իր հրապարակած քարտեզում Ղրիմը ներկայացվել որպես Ռուսաստանի մաս

Ամերիկյան The New York Times թերթը նոյեմբերի 11-ին լույս տեսած համարում տվել է «Ղրիմի կարգավիճակի հստակ և ճիշտ նկարագրություն»։ Թերթի մամուլի ծառայության ներկայացուցիչ Դենիել Ռոուդն այսպիսի պատասխան է տվել ՏԱՍՍ-ի թղթակցի հարցմանը, թե ինչպես է պատահել, որ թերթի հրատարակած համարում Ղրիմը և Ռուսասատանը ներկայացված են եղել նույն գույնով։

«New York Times-ն ունի հետևողական մոտեցում այն տարածքների ներկայացման հարցում, որոնք գրավված են, կամ հանդիսանում են վիճելի տարածքներ։ Կարծում ենք, որ մեր հոդվածը և ներկայացված քարտեզը հստակ բնորոշում են Ղրիմի ներկայիս կարգավիճակը», - նշել է NYT-ի ներկայացուցիչը։

«Ինչ վերաբերում է քարտեզին, ապա Ղրիմը հստակ ներկայացված է եղել որպես վիճելի տարածք։ Նման մոտեցումը չի նշանակում համաձայն լինել Ռուսաստանի դիրքորոշման հետ։ Եթե Ղրիմի կարգավիճակը և ապագան վիճելի չլինեին, ապա մենք հանդես չէինք գա նման հոդվածով», - շարունակել է նա։

Հիշեցնենք, որ ավելի աղ Ուկրաինայի արտաքին գործերի նախարարությունը հայտարարել էր, որ պահանջելու է New York Times-ի ղեկավարությունից ուղղել Ղրիմը որպես վիճելի տարածք ներկայացնող քարտեզը։