Ամերիկացիները Սիրիայում իրենց ռազմաբազայի շրջակայքում մեկուսացման մեջ են պահում մոտ 50 հազար մարդու․ ՌԴ ՊՆ
![](https://www.noror.am/sites/default/files/styles/header_image/public/header-images/chambar.jpg?itok=i97hGLb6)
Սիրիայում ԱՄՆ-ի գլխավորած խումբը շրջափակել է տարածք, որտեղ մեկուսացվել է, տարբեր հաշվարկներով, ավելի քան 50 հազար մարդ։ Այս մասին տեղեկացնում է ՌԴ պաշտպանության նախարարությունը։
ՊՆ հաղորդագրության մեջ ասվում է, որ, չնայած ավելի վաղ անցկացված խորհրդատվություններին, ամերիկյան կողմը միջազգային կազմակերպություններին թույլ չի տալիս հումանիտար օգնություն հասցնել փախստականների համար նախատեսված «Էր-Ռուբկան» ճամբար։
«Փակելով 55 կիլոմետր տարածք «Ալ Թանֆ» ռազմաբազայի շուրջը՝ ԱՄՆ-ի գլխավորած խումբը մեկուսացման մեջ է պահում ավելի քան 50 հազար մարդու։ Փախստականների ճամբարում բացակայում է անհրաժեշտ քանակությամբ սնունդ և բուժօգնություն ստանալու հնարավորությունը, երեխաները չեն կարողանում հաճախել դպրոցներ», - ասվում է ՌԴ ՊՆ հաղորդագրության մեջ։
Նշվում է, որ համաձայնություն է ձեռք բերվել Հալեպի շրջանի երկու բնակավայրերում կրակը դադարեցնելու վերաբերյալ։ Սիրիայում հակամարտող կողմերի հաշտեցման ռուսական կենտրոնը կոչ է անում նաև բացառել ռազմական որևէ գործողություն և լարվածությունը թեթևացնելու նպատակով նոյեմբերի 28-ը և 29-ը հայտարարել լռության օր։
Ավելի վաղ ռուսական կողմը բազմիցս զգուշացրել էր «Էր-Ռուբկան» ճամբարում փախստականների վատ վիճակի մասին՝ նշելով, որ այնտեղ շարունակվում են «թմրանյութերի շրջանառությունը, քարոզչությունը և մարդկանց՝ ահաբեկչական խմբավորումներ ներգրավվելու փորձերը»։