Իսրայելը հրթիռակոծել է Դամասկոսի մոտակայքում գտնվող ռազմական օբյեկտները

Դեկտեմբերի 1-ի լույս 2-ի գիշերը Իսրայելի ռազմաօդային ուժերը «Ցամաք-ցամաք» դասի մի քանի հրթիռ են արձակել Դամասկոսի հարավարևմտյան Էլ Կիսվա թաղամասում գտնվող ռազմական օբյեկտների ուղղությամբ։

Ինչպես հաղորդում է Alikhbaria արբանյակային հեռուստատեսությունը, հրթիռներից մեկը խոցել է ռազմական հենակետը՝ հասցնելով նյութական խոշոր չափի վնաս։

Նշվում է, որ Սիրիայի հակաօդային պաշտպանության համակարգերն արձագանքել են և չեզոքացրել հակառակորդի երկու հարվածներ։

Լրատվականը Իսրայելի այս գործողությունը համարել է բացահայտ ագրեսիա։

Զինծառայողների շրջանում զոհերի կամ վիրավորների մասին տեղեկություններ չեն հաղորդվում։