Իսրայելը նոր ավիահարված է հասցրել «Համաս» խմբավորմանը

Գազայի հատվածի հյուսիսային շրջաններին Իսրայելի ռազմաօդային ուժերի հասցրած ավիահարվածի հետևանքով զոհվել է երկու պաղեստինցի։ Այս մասին տեղեկացնում է Ալ Ակսա ռադիոալիքը, որը կապված է այնտեղ իշխող «Համաս» խմբավորման հետ։

Աղբյուրի փոխանցմամբ՝ զոհվել են մոտոցիկլետ վարող երկու պաղեստինցիներ։

Իսրայելական կողմն, իր հերթին, հերքում է ավիահարվածի մասն լուրերը։

«Չնայած պաղեստինյան կողմի հայտարարություններին, նշենք, որ Իսրայելի պաշտպանության բանակը ավիահարված չի հասցրել Գազայի հատվածին», - ասվում է իսրայելական կողմի տարածած հաղորդագրության մեջ։

Իսրայելի և Պաղեստնի միջև փոխադարձ ավիահարվածներն ակտիվացել են վերջերս ԱՄՆ նախագահ Դոնալդ Թրամփի՝ Երուսաղեմը հրեական պետության մայրաքաղաք ճանաչելու մասին որոշումից հետո։

Իսրայելն ավիահարվածների պատասխանատվությունը դնում է Գազայի հատվածում իշխող «Համաս» խմբավորման վրա՝ վերջինիցս պահանջելով պահպանել հրադադարի պահպանման ռեժիմը։