Կանադայում ուղևորատար ինքնաթիռ է վթարվել

Կանադայի Սասկաչևան նահանգում վթարի է ենթարկվել West Wind Aviation ավիաընկերության ATR-42 ուղևորատար ինքնաթիռը։ Այս մասին տեղեկացնում է CBC լրատվականը։

Նշվում է, որ ինքնաթիռում եղել են անձնակազմի երեք անդամները և 22 ուղևոր։ Բարեբախտաբար, զոհեր չկան․ մարմնական վնասվածքներ են ստացել ուղևորներից մի քանիսը։

Դեպքը տեղի է ունեցել Ֆոնդ Դյու Լաք բնակավայրի օդանավակայանից թռիչքը սկսելուց անմիջապես հետո։ Ինքնաթիռն ընկել է թռիչքուղուց մեկ կիլոմետր հեռու։

Ինչպես հաղորդում է Globe and Mail թերթը, արդեն դեպքի վայր են ժամանել փրկարար ծառայության աշխատակիցները, կատարվում են անհրաժեշտ միջոցառումներ։

Կանադայի տրանսպորտի նախարարությունը հետաքննություն է սկսել դեպքի առնչությամբ։