Սերբիան չի ցանկանում դառնալ ՆԱՏՕ-ի անդամ․ Սերբիայի ԱԳ նախարար
Սերբիան ՆԱՏՕ-ի անդամ դառնալու ծրագրեր չունի։ Այս մասին լրագրողների հետ զրույցում հայտարարել է Սերբիայի արտաքին գործերի նախարար Իվիցա Դաչիչը։
«Ոչ, չենք պատրաստվում։ Սերբիան միակ երկիրն է, որ ցանկանում է ունենալ սեփական բանակը՝ չեզոքություն պահպանելով և չդառնալով ռազմական որևէ կառույցի անդամ։ Մենք ցանկանում ենք ինքներս պաշտպանել մեր երկրի սահմանները։ Մենք պատրաստվում ենք այս մասին ասել ինչպես Մոսկվայում, այնպես էլ՝ Վաշինգտոնում», - ասել էր Դաչիչը՝ պատասխանելով լրագրողների՝ ՆԱՏՕ-ի հնարավոր անդամակցության մասին հարցին։
Նրա խոսքով՝ ՆԱՏՕ-ում արդեն գիտեն իրենց դիրքորոշման մասին։
Սերբայի արտաքին գործերի նախարարը երկրի նախագահ Ալեքսանդր Վուչիչի հետ աշխատանքային այցով ժամանել է Մոսկվա։
Նախօրեն Վուչիչը հանդիպում էր ունեցել Ռուսաստանի Դաշնության նախագահ Վլադիմիր Պուտինի հետ։
Այսօր՝ դետեմբերի 20-ին, Սերբիայի նախագահը հանդիպել է նաև Դաշնային խորհդրի ղեկավար Վալենտինա Մատվիենկոյի հետ։