Դոնալդ Թրամփը հանդիպում կունենա Նուրսուլթան Նազարբաևի հետ
ԱՄՆ նախագահ Դոնալդ Թրամփը հունվարի 16-ին Վաշինգտոնում հանդիպում կունենա Ղազախստանի նախագահ Նուրսուլթան Նազարբաևի հետ։ Այս մասին տեղեկացնում է Սպիտակ տան մամուլի ծառայությունը։
«Նախագահ Թրամփը և նախագահ Նազարբաևը կքննարկեն երկու երկրների՝ տնտեսական համագործակցության և տարածաշրջանային անվտանգության հարցերով ռազմավարական գործընկերության ամրապնդման և ընդլայման ուղիները», - ասվում է Սպիտակ տան տարածած հաղորդագրության մեջ։
Նշվում է նաև, որ նախագահները կքննարկեն Ղազախստանի կարևոր դերը միջազգային մի քանի խնդիրների լուծման գործում, մասնավորապես՝ ՄԱԿ-ի Անվտանգության խորհրդի՝ Ղազախստանի նախագահության ժամանակ Աֆղանստանում տիրող իրավիճակը հարցը։
Սպիտակ տան մամուլի ծառայության հաղորդմամբ՝ Թրամփը և Նազարբաևը անդրադարձ կկատարեն երկկողմ համագործակցությանը, ինչպես նաև զանգվածային ոչնչացման զենքերին և դրանց չտարածմանն առնչվող խնդիրներին։