ԱՄՆ-ում 28-ամյա տղամարդը կոտրված ականջակալների պատճառով սպանել է սեփական մորը
ԱՄՆ-ի Կալիֆորնիա նահանգի ոստիկանությունը ձերբակալել է մի տղամարդու, որը կոտրված ականջակալների պատճառով սպանել է սեփական մորը։ Այս մասին գրում է Fox News-ը։
Աղբյուրի փոխանցմամբ՝ Մեթյու Նիկոլսոնի 68-ամյա մայրը բղավոցներ է լսել իր 28-ամյա որդու սենյակից, որը համակարգչային խաղ էր խաղում այդ պահին։ Կինը որոշել է գնալ սենյակ և ստուգել՝ արդյոք ամեն ինչ կարգին է։
Որդու սենյակ մտնելուց հետո նրանց միջև վիճաբանություն է սկսվել, որի ժամանակ զայրացած տղամարդը կոտրել է իր ականջակալները։
Նիկոլսոնը, համարելով, որ տեղի ունեցածի մեղավորը մայրն է, կրակել է վերջինիս գլխին։ Կնոջը տեղափոխել են հիվանդանոց, սակայն հնարավոր չի եղել նրա կյանքը փրկել ստացած հրազենային վիրավորումից։