Կանխվել է Քաբուլում ՌԴ դեսպանատան վրա հարձակումը

Այսօր՝ փետրվարի 5-ին, արտակարգ դեպք է տեղի ունեցել Աֆղանստանի մայրաքաղաք Քաբուլում։ Ռիա Նովոստի-ի փոխանցմամբ՝ Քաբուլում Ռուսաստանի Դաշնության դեսպանատան շենքի մոտակայքում հայտնաբերվել է ականապատ ավտոմեքենա։

Նշվում է, որ ռուսական դիվանագիտական ներկայացուցչության շենքի հարևանությամբ հայտնաբերվել է Mazda տեսակի ականապատ ավտոմեքենա։ Մեքենայում եղել է մոտ 1 տոննա տրոտիլ։

Հաղորդվում է նաև, որ դեսպանատնից ոչ հեռու, այնուամենայնիվ, եղել է մեքենայով հարձակում։ Այս կապակցությամբ, սակայն, պաշտոնական հաղորդագրություններ դեռ չեն ստացվել։

Նշենք, որ վերջին ամիսներին աճել է Քաբուլում տեղի ունեցող ահաբեկչությունների թիվը։ Այսպես՝ հունվարի վերջին հզոր պայթյուն էր որոտացել Քաբուլի Վազիր Ակբար Հան դիվանագիտական թաղամասում։ Պայթյունի հետևանքով զոհվել էր 103 մարդ, վիրավորվել՝ ևս 235-ը։ Տեղի ունեցած հարձակման պատասխանատվությունն ստանձնել էր «Թալիբան» ծայրահեղական շարժումը։ Պայթյունն իրականացրել էր մահապարտ ահաբեկիչը՝ պայթեցնելով շտապօգնության ականապատ մեքենան։