Չափազանց մեծ է ԵՄ-ի և ԱՄՆ-ի միջև առևտրային պատերազմի հավանականությունը

Եվրոպական Միությունը պատրաստ է արձագանքել Միացյալ Նահանգների հնարավոր սահմանափակումներին, որոնք կարող են ազդել Միության արտահանման վրա։ Այս մասին, ինչպես գրում է Ռիա Նովոստի-ն, հայտարարել են ԵՄ հանձնաժողովում։

Տնտեսագետ Իգոր Կովալյովի կարծիքով՝ ԵՄ-ը և ԱՄՆ-ն առևտրի ոլորտում ունեն բազմաթիվ տարակարծություններ։

Լրագրողների հետ ճեպազրույցի ժամանակ Եվրահանձնաժողովի մամուլի քարտուղար Մարգարիտիս Սխինասը հայտարարել է, որ Միացյալ Նահանգները և Եվրամիությունն այս պահին առևտրային պատերազմի մեջ են, և ԵՄ-ը պատրաստ է արձագանքել ամերիկյան պատժամիջոցներին, որոնք կարող են ազդել եվրոպական արտահանման վրա։

«Եվրամիությունն ամերիկյան վարչակազմին ամենաբարձր մակարդակով զգուշացրել է, որ մեզ խորապես անհանգստացնում է այն սահմանափակումները, որոնք կարող են ազդել ԵՄ-ի արդյունաբերության վրա», - ասել է Սխինասը։

Ավելի վաղ ԱՄՆ-ի առևտրի նախարարությունը սահմանել էր 23,6%-ի չափով պարտավորություն Ռուսաստանին, Չինաստանից, Վենեսուելայից և Վիետնամից ալյումինի ներմուծման վրա։

«Մենք համապատասխան միջոցներ կձեռնարկենք Եվրամիության արդյունաբերության պաշտպանման համար։ Պատրաստ ենք օպերատիվ կերպով արձագանքել, եթե ԱՄՆ-ի կողմից որևէ սահմանափակող միջոց ազդի մեր արտահանման վրա», - ասել է Սխինասը՝ պատասխանելով լրագրողի այն հարցին, թե արդյոք իրենք պատրաստվում են որևէ կերպ արձագանքել, եթե Վաշինգտոնը որոշի պողպատի և ալյումինի սակագներ սահմանել։

Տնտեսագետ Իգոր Կովալյովի խոսքով՝ ԵՄ-ի և ԱՄՆ-ի միջև առևտրային վեճեր միշտ էլ եղել են։

«Այժմ տեղի ունեցող առևտրային պատերազմը կապված է Դոնալդ Թրամփի քաղաքականության հետ։ Նա փորձում է իրականացնել իր նախընտրական խոստումները «ամերիկացիների համար աշխատատեղեր և բարեկեցիկ կյանք ստեղծելու» մասին։ Պողպատի ներմուծման վրա սահմանափակումներ դնելու պատրաստակամության մասին նրա հայտարարությունները գալիս են հաստատելու վերոնշյալը։ Կարծում եմ՝ Եվրոպական Միության և Միացյալ Նահանգների միջև առևտրային հարաբերությունների վատթարացման և սրացման նախադրյալները բազմաթիվ են», - ասել է Կովալյովը։