Հալեպի ազատագրումից հետո քաղաք է վերադարձել ավելի քան 200 հազար բնակիչ
Հալեպի ազատագումից հետո ավելի քան 200 հազար բնակիչ վերադարձել է քաղաքի արևելյան թաղամասեր։ Այս մասին Ռիա Նովոստի-ին հայտնել է Հալեպի քաղաքապետ Հուսեյն Դիաբը։
Սիրիայի կառավարական զորքերը ռուսական ռազմաօդային ուժերի աջակցությամբ քաղաքն ազատագրել է 2016 թ․ դեկտեմբերի 21-ին։
«Կառավարական ուժերի կողմից Հալեպի նկատմամբ վերահսկողությունը վերականգնելուց հետո քաղաքի արևեյան շրջաններ է վերադարձել 201308 քաղաքացի», - ասել է Դիաբը։
Նրա խոսքով՝ մարդիկ կարողացել են վերադառնալ քաղաք միայն ավերակներն այստեղից դուրս բերելուց հետո։
«Քաղաքից հանվել է մոտ 2,2 միլիոն քառակուսի մետր ավերված բեկոր։ Հատուկ տարածք է տեղափոխվել 4470 վառված և շարքից դուրս եկած մեքենա», - նշել է Դիաբը։
Քաղաքապետի տվյալներով՝ քաղաքում աշխատում է ընդամենը 290 էլեկտրական ենթակայան։ Ժամանակին եղած ավելի քան 2000 ենթակայանների մնացած մասը կամ ոչնչացված է կամ՝ մասնակի ավերված։ Նշվում է նաև, որ ասֆալտապատվել է քաղաքի օդանավակայան տանող մայրուղին։ Այժմ վերանորոգվում է Հալեպից Ռաքքա գնացող մայրուղու 7 կամուրջները։
Վերանորոգումից հետո վերաբացվել է 105 դպրոց, որտեղ սովորում է ավելի քան 90 հազար աշակերտ։ Քաղաքի մերձակայքում գործում է 336 դպրոց․ այստեղ սովորում է ավելի քան 60 հազար աշակերտ։