Հարձակում՝ Գերմանիայում Թուրքիայի դեսպանատան վրա

Այսօր՝ փետրվարի 28-ին, հարձակում է տեղի ունեցել Գերմանիայում Թուրքիայի դեսպանատան շենքի վրա։ Այս մասին տեղեկացնում է թուրքական Sabah թերթը։

Աղբյուրի փոխանցմամբ՝ հարձակումը տեղի է ունեցել առավոտյան 06:00-ի սահմաններում։ Դիմակավորված անհայտ անձինքն նախ ծխաբեր ռումբեր են նետել դեսպանատան շենքի ուղղությամբ, ապա՝ կարմիր, կանաչ և դեղին ներկեր են լցրել այնտեղ։

Հատկանշական է, որ այս գույները խորհրդաշնում են Քրդստանի աշխատավորական կուսակցությունը և առկա են PKK-ի դրոշի վրա։ Հենց այս հանգամանքն էլ թուրքական լրատվականին թույլ է տալիս ենթադրել, որ հարձակումն իրականացրել են հենց քրդերը։

Անկարան Քրդստանի աշխատավորական կուսակցությունը համարում է ահաբեկչական կազմակերպություն։

Տեղի ունեցած հարձակման արդյունքում զոհեր և վիրավորներ չեն գրանցվել։ Բեռլինի ոստիկանությունը հետաքննություն է սկսել կատարվածը պարզելու նպաակով։