Թուրքիայում ձերբակալվել է ամերիկյան դեսպանատան վրա հարձակում նախապատրաստող 13 զինյալ
Թուրքիայի Ադանա քաղաքի ոստիկանությունը ձերբկալել է 13 մարդու, որոնք կասկածվում են «Իսլամական պետություն» ահաբեկչական խմբավորման հետ կապ ունենալու և Անկարայում ԱՄՆ դեսպանատան վրա հարձակում նախապատրաստելու մեջ։ Այս մասին տեղեկացում է թուրքական Anadolu լրատվական գործակալությունը։
Աղբյուրի փոխանցմամբ՝ ստուգումներն անցկացվել են վաղ առավոտյան քաղաքի միանգամից մի քանի թաղամասերում։ Գործողությանը մասնակցել են Անվտանգության վարչության՝ ահաբեկչության դեմ պայքարի հատուկ ջոկատի անդամները։ Ձերբակալվել է 13 մարդ, որոնցից 12-ը՝ սիրիացի։ Նրանց տեղափոխել են Անվտանգության վարչություն՝ հարցաքննության։
Մարտի 4-ին ամերիկյան դիվանագիտական ներկայացուցչությունը հայտնում էր, որ դադարեցնում է իր գործունեությունը կապված անվտանգության սպառնալիքով։ Հայտարարության մեջ նշվում էր, որ ԱՄՆ-ի քաղաքացիներին ծառայություն կմատուցվի միայն ծայրահեղ անհրաժեշտության դեպքում։
Ավելի ուշ Անկարայի քաղաքային իշխանությունները հայտնեցին, որ ամերիկյան աղբյուրներից տեղեկություններ ստանալուց հետո իրավապահները ձեռնարկվում են անվտանգության ապահովվման լրացուցիչ միջոցառումներ։