Ամերիկյան անօդաչու սարքը հետախուզական թռիչք է իրականացրել Ղրիմի առափնյա շրջաններում
Ամերիկյան ռազմավարական հետախուզական անօդաչու RQ-4A Global Hawk կոչվող թռչող սարքը հետախուզում է իրականացրել Ղրիմի առափնյա շրջաններում։ Այս մասին ասվում է ավիացիայի տեղաշարժին հետևող CivMilAir ծառայության թվիթերյան հայտարարության մեջ։
Նշվում է, որ 10-2043 համարը կրող սարքն օդ է բարձրացել Սիցիլիայի Սիգոնելլա ավիաբազայից, որից հետո թերակղզու արևմտյան և հարավային ափերի մոտ թռիչք է իրականացրել մի քանի ժամ շարունակ։
Ինչպես հայտնում է Ռիա Նովոստի-ն, Սևաստոպոլի շրջանում RQ-4A Global Hawk-ը ափին է մոտեցել մինչև 30 կիլոմետր՝ գրեթե հասնելով ծովային սահմանի եզրին։
Ղրիմ ուղևորվելուց առաջ անօդաչու սարքը թռչել է Դոնբասի սահմանագծի երկայնքով՝ մի քանի անգամ մինչև 40-60 կիլոմետր մոտենալով Ռուսաստանի՝ Ուկրաինայի հետ սահմանակից Բելգորոդյան, Վորոնեժյան և Ռոստովյան շրջաններին։
Ավելի վաղ՝ այս տարվա փետրվարին, ամերիկյան ռազմաօդային ուժերի մեկ այլ հետախույզ-ինքնաթիռ նկավել էր Ռուսաստանի սահմանների մոտ։