ՔԶԱԿ-ում Մեծ Բրիտանիայի մշտական ներկայացուցիչը չի մասնակցի Սկրիպալի գործով հատուկ նիստին
Սկրիպալի գործով հատուկ նիստին Մեծ Բրիտանիան ներկայացնելու է Քիմիական զենքն արգելող կազմակերպությունում այդ երկրի մշտական ներկայացուցչի ժամանակավոր պաշտոնակատար Ջոն Ֆոգոն։ Այս մասին տեղեկացնում է ՏԱՍՍ-ը։
«Հադիպմանը չի մասնակցի ՔԶԱԿ-ում Մեծ Բրիտանիայի մշտական ներկայացուցիչ Պիտեր Ուիլսոնը։ Միացյալ Թագավորությունը կներկայացնի վերջինիս փոխարինող Ջոն Ֆոգոն», - նշել է ՏԱՍՍ-ի զրուցակիցը։
Ավելի վաղ ՔԶԱԿ-ում ՌԴ ներկայացուցիչ Ալեքսանդր Շուլգինը հայտարարել էր, որ նշված հանդիպմանը Մոսկվան պատրաստվում է կառուցողական առաջարկներ անել Սոլսբերիում տեղի ունեցած միջադեպի քաղաքակիրթ հետաքննության հարցով։
Այս տարվա մարտի 4-ին ՌԴ հետախուզության գլխավոր վարչության նախկին գնդապետ Սերգեյ Սկրիպալը (նրան Ռուսաստանում մեղադրում են Մեծ Բրիտանիայի օգտին լրտեսություն կատարելու մեջ, -խմբ․) և նրա դուստրն անգիտակից վիճակում հայտնաբերվել են Սոլսբերի քաղաքի կենտրոնում գտնվող այգիներից մեկի նստարանին։ Նրանք տեղափոխվել են հիվանդանոց․ բժիշկները նրանց վիճակը գնահատում են կայուն ծանր։
Բրիտանական կողմը տեղի ունեցածի մեջ մեղադրում է Ռուսաստանին։ Մոսկվան կտրականապես հերքում է մեղադրանքները և պահանջում՝ ապացույցներ ներկայացնել։
Ավելի ուշ բրիտանացի մասնագետները հայտարարեցին, որ կիրառվել է «Новичок» կոչվող թունավոր նյութը, սակայն դրա ծագման վերաբերյալ մանրամասներ հայտնի չեն։