Պուտինը մեկնաբանել է Սկրիպալի թունավորման շուրջ ստեղծված իրավիճակը

ՌԴ նախագահ Վլադիմիր Պուտինը մեկնաբանել է հետախուզության նախկին գնդապետ Սերգեյ Սկրիպալի թունավորման գործի շուրջ ստեղծված իրավիճակը։

«Մենք ակնկալում ենք, որ ողջախոհությունը ի վերջո կհաղթի, և միջազգային հարաբերություններին չի հասցվի այնքան վնաս, ինչքան մենք տեսնում ենք վերջին ժամանակներս։ Սա վերաբերում է ոչ միայն Սկրիպալի նկատմամբ տեղի ունեցած հարձակման գործին, այլ նաև միջազգային հարաբերությունների բոլոր ասպեկտներին։ Պետք է մտնել քաղաքական առողջ գործընթացների, միջազգային իրավունքի հիմնարար նորմերի շրջանակ, և այդ ժամանակ իրավիճակն աշխարհում կդառնա ավելի կայուն և կանխատեսելի», - ասել է Պուտինը։

Ապրիլի 3-ին «Պորտոն Դաուն» լաբորատիորիայի ղեկավարը հայտարարել է, որ մասնագետները չեն կարողացել պարզել, արդյոք Ռուսաստանն է այն նյութի ծագման երկիրը, որով թունավորել են Սերգեյ Սկրիպալին և նրա դստերը։

ՌԴ նախագահի մամուլի խոսնակ Դմիտրի Պեսկովը հայտարարել է, որ Մեծ Բրիտանիայի վարչապետ Թերեզա Մեյը և ԱԳ նախարար Բորիս Ջոնսոնը պետք է ներողություն խնդրեն Ռուսաստանից Սերգեյ Սկրիպալի և նրա դստեր թունավորման մեջ Մոսկվային մեղադրելու համար։

Աղբյուր՝  https://russian.rt.com/world/news/499815-putin-skripal-velikobritaniya