ՌԴ ԶՈւ Գլխավոր շտաբի պետը կհանդիպի ՆԱՏՕ-ի իր գործընկերոջ հետ

ՌԴ Զինված ուժերի Գլխավոր շտաբի պետ Վալերի Գերասիմովը և Եվրոպայում ՆԱՏՕ-ի միացյալ ուժերի հրամանատար Կետրիս Սկապարոտին պատրաստվում են մինչև այս ամսվա վերջ հանդիպում ունենալ։ Այս մասին գրում է ՏԱՍՍ-ը՝ հղում կատարելով Բրյուսելում իր աղբյուրներին։

Նշվում է, որ հանդիպմանը քննարկվելու է աճող լարվածության պայմաններում գրանցվող ռազմական միջադեպերի կանխարգելման հարցը։

«Ավարտվում է գեներալներ Գերասիմովի և Սկապարոտիի հանդիպման նախապատրաստությունը։ Հանդիպումը նշանակված է այս ամսին։ Բանակցությունների հիմնական թեման լինելու է ռազմական միջադեպերը, որոնք տեղի են ունենում ռազմական ոլորտում ՆԱՏՕ-ի և Ռուսաստանի գործողությունների սխալ մեկնաբանության հետևանքով։ Այս շփումները չափազանց կարևոր են հատկապես աճող այս լարվածության ֆոնին», - հայտնել է ՏԱՍՍ-ի զրուցակիցը։