Վերջին երկու տարվա մեջ առաջին անգամ եվրոն հատեց 80 ռուբլու սահմանագիծը

Ապրիլի 11-ի դրությամբ ռուսական ռուբլին մոսկովյան բիրժաներում կրկին սկսել է արժեզրկվել դոլարի և եվրոյի համեմատ։

Այսօր արդեն մեկ դոլարն արժե 64,77 ռուբլի, իսկ եվրոն՝ 80,15 ռուբլի։ Սա 2016 թ․ մարտից ի վեր ամենաբարձր ցուցանիշն է։

Մասնագետները ռուբլու կտրուկ արժեզրկումը բացատրում են հակառուսական նոր սահմանափակումներով։

Երկուշաբթի ռուսական արժույթը կտրուկ անկում գրանցեց ԱՄՆ-ի նոր հակառուսական պատժամիջոցների ֆոնին։ Պատժամիջոցների ցանկում են ընդգրկվել մոտ երկու տասնյակ խոշոր գործարարներ և պաշտոնյաներ, ինչպես նաև նրանց հետ առնչություն ունեցող ընկերություններ։

Մասնագետների կարծիքով՝ կտրուկ տատանումները շարունակական չեն լինի, և ռուսական ակցիաների շուկան աստիճանաբար կկայունանա։

Ռուսաստանի Կենտրոնական բանկի նախագահ Էլվիրա Նաբիուլինան հայտարարել է, որ ռուսական բանկերը կձեռնարկեն բոլոր միջոցները, որպեսզի թույլ չտան, որ նոր պատժամիջոցներն ազդեցություն ունենան գնաճի և ֆինանսական կայունության վրա։

Աղբյուր՝ https://ria.ru/economy/20180411/1518362307.html?referrer_block=index_main_1