ՔԶԱԿ-ը հաստատել է, որ Սիրիայում քիմիական զենքը ոչնչացված է․ Զախարովա
Սիրիայում քիմիական զենքը ոչնչացվել է, և դա հաստատել է Քիմիական զենքն արգելող կազմակերպությունը։ Այս մասին Россия 1 հեռուստաալիքի եթերում հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։
«Քիմիական զենքը Սիրիայում ոչնչացված է, և դրա տակ ստորագրել են ՔԶԱԿ-ի ներկայացուցիչները», - ասել է Զախարովան։
Նրա խոսքով՝ Սիրիայի տարածքում քիմիական նյութեր օգտագործում են միայն ահաբեկիչները և ծայրահեղականները։
«Սա ապացուցված փաստ է։ Ամեն անգամ, երբ սիրիական բանակն ազատագրում է նոր քաղաք, գյուղ կամ այլ բնակավայր, այնտեղ հայտնաբերվում են քիմիական նյութերի մնացորդներ», - ընդգծել է ՌԴ ԱԳՆ մամուլի խոսնակը։
Զախարովան հիշեցրել է, որ ՄԱԿ-ի Անվտանգության խորհրդում ԱՄՆ-ը բազմիցս արգելափակել է Սիրիայում ահաբեկիչների կողմից քիմիական նյութերի օգտագործման հարցով հետաքննություն սկսելու վերաբերյալ Ռուսաստանի առաջարկած բանաձևերի նախագծերը։
Հիշեցնենք, որ ապրիլի լույս 14-ի գիշերը՝ 04:42-ից մինչև 06:10 ընկած ժամանակահատվածում, ԱՄՆ-ի, Մեծ Բրիտանիայի և Ֆրանսիայի նավերից և ինքաթիռներից Սիրիայի ռազմական օբյեկտների ուղղությամբ արձակվել է 103 հրթիռ, որոնցից 71-ը չեզոքացվել են սիրիական ՀՕՊ համակարգերի կողմից։
Վաշինգտոնը, Լոնդոնը և Փարիզը նշել են, որ հրթիռակոծությունը պատասխանն էր սիրիական Դումա քաղաքում իբր տեղի ունեցած քիմիական հարձակմանը։ Սա ապացուցող ոչ մի փաստ, սակայն, դեռևս չի ներկայացվել։
Աղբյուր՝ http://tass.ru/politika/5128738