Թրամփի և Կիմ Չեն Ընի հանդիպումը կարող է տեղի ունենալ Շվեյցարիայում․ NBC

Տեղադրվել է 19/04/2018.
© AP Photo/Pablo Martinez Monsivais

ԱՄՆ նախագահ Դոնալդ Թրամփի և Հյուսիսային Կորեայի առաջնորդ Կիմ Չեն Ընի հանդիպումը կարող է տեղի ունենալ Շվեյցարիայում։ Այս մասին հաղորդել է NBC հեռուստաալիքը։

Աղբյուրի փոխանցմամբ՝ երկու երկրների ներկայացուցիչները դեռ վերջնական որոշում չեն կայացրել հանդիպման վայրի հարցով։

Քննարկվել է նաև Պեկինի, Ուլան Բատորի և Փհենյանի տարբերակները, սակայն դրանք չեն ընդունվել անվտանգության նկատառումներից ելնելով։

«Ամերիկացի պաշտոնյաները հանդես են գալիս ավելի չեզոք վայրում հանդիպելու օգտին․ ցանկալի վայրերից է Եվրոպան, որտեղ Շվեյցարիան ավելի նախընտրելի կլինի», - գրում է թերթը։

Ավելի վաղ Bloomberg պարբերականը գրում էր, որ հանդիպման հնարավոր վայրերից է նաև Շվեդիան։ Այս երկիրը Փհենյանում ներկայացնում է ԱՄՆ-ի շահերը։ Միացյալ Նահագների և ԿԺԴՀ-ի միջև կապը հաճախ իրականացվել է Փհենյանում Շվեդիայի դեսպանատան միջոցով։

Ինչպես արդեն հայտնի է, Դոնալդ Թամփի և Կիմ Չեն Ընի հանդիպման նախապատրաստական աշխատանքներն արդեն տեղափոխվել են գործնական հարթություն։ ԱՄՆ նախագահն օրեր առաջ հայտարարել է, որ հանդիպումը կարող է տեղի ունենալ մի քանի շաբաթից։

Որոշիչ բառեր: Դոնալդ Թրամփ, Կիմ Չեն Ըն, Շվեյցարիա

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.