ԱՄՆ-ը հրաժարվում է աջակցել Ասադի վերահսկողության տակ գտնվող տարածքների վերակառուցմանը

Միացյալ Նահանգները չի ցանկանում վերականգնել Սիրիայում Բաշար Ասադի վերահսկողության տակ գտնվող տարածքները։ Այս մասին Մեծ յոթնյակի անդամ պետությունների արտգործնախարարների հանդիպման առաջին օրը հայտարարել է ամերիկացի բարձրաստիճան պաշտոնյան։ Վերջինիս խոսքերը հրապարակել է նաև ԱՄՆ պետքարտուղարության մամուլի ծառայությունը։

Դեռ հունվարին պետքարտուղարությունը հայտարարում էր, որ Սիրիայի վերակառուցման գործում չի աջակցելու Մոսկվային, Թեհրանին և Դամասկոսին, քանի դեռ այս երկրում տեղի չի ունեցել «քաղաքական վերակառուցում»։

Ինչպես նշել է ԱՄՆ պետքարտուղարի՝ Մերձավոր Արևելքի հարցերով օգնականի պաշտոնակատար Դևիդ Սաթերֆիլդը, Սիրիայի վերակառուցմանն աջակցելու պայմաններն են սահմանադրական բարեփոխումները և ՄԱԿ-ի հովանու ներքո ընտրությունների անցկացումը։ Նրա խոսքով՝ այս ամենի համար ահրաժեշտ է ավելի քան 200-300 միլիարդ դոլար։

Նման պահանջով հանդես էր եկել նաև Եվրոպական Միությունը։ Ինչպես հայտարարել են ԵՄ արտաքին հարցերի հանձնաժողովը, Սիրիայի վերակառուցման աշխատանքներին օժանդակելու համար անհրաժեշտ է այդ երկրում անցկացնել քաղաքական փոփոխություններ, որոնք համաձայնեցված կլինեն հակամարտության կողմերի հետ։

ՌԴ Պետդումայի՝ Սիրիայի խորհրդարանի հետ կապերի հարցերով հանձնաժողովի ղեկավար Դմիտրի Սաբլինը հիշեցրել է Ասադի խոսքերը, ըստ որի Սիրիայի վերակառուցման համար անհրաժեշտ է 10-ից 15 տարի։

Աղբյուր՝  https://ria.ru/syria/20180423/1519183030.html?referrer_block=index_main_2