ՀՀ Ազգային ժողովը նոր վարչապետի ընտրության հարցը կքննարկի մայիսի 1-ին

Տեղադրվել է 26/04/2018.
© Armenpress.am

Հայաստանի խորհրդարանը վարչապետի ընտրության հարցը կքննարկի մայիսի 1-ին: Այս մասին, ինչպես գրում է «Արմենպրես»-ը՝ հղում կատարելով ՀՀ Ազգային ժողովի լրատվության և հանրության հետ կապերի վարչությանը, հայտարարել է ՀՀ Ազգային ժողովի նախագահ Արա Բաբլոյանը։

«Համաձայն «Ազգային ժողովի կանոնակարգ» Հայաստանի Հանրապետության սահմանադրական օրենքի 140-րդ հոդվածի 3-րդ մասի՝ հայտարարում եմ, որ վարչապետի ընտրության հարցը կքննարկվի մայիսի 1-ին՝ ժամը 12:00-ին, իրավունքի ուժով գումարվող Ազգային ժողովի հատուկ նիստում»,- ասված է ՀՀ Ազգային ժողովի նախագահի տարածած հայտարարության մեջ:

ՀՀ վարչապետ Սերժ Սարգսյանն ապրիլի 23-ին հրաժարական է տվել: ՀՀ Սահմանադրության համաձայն` ՀՀ վարչապետի հրաժարականից հետո 7 օրվա ընթացքում Ազգային ժողովի խմբակցությունները իրավունք ունեն ներկայացնել վարչապետի թեկնածուներ, ինչից հետո խորհրդարանում բաց անվանական քվեարկությամբ տեղի է ունենում վարչապետի ընտրությունը:

Որոշիչ բառեր: Հայաստան, Ազգային ժողով, Արա Բաբլոյան, Սերժ Սարգսյան

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.