Քիմիական հարձակումների կրկնության դեպքում հնարավոր է՝ նոր հարվածներ հասցվեն Սիրիային․ Ֆրանսիայի պաշտպանության նախարար

Ֆրանսիան պատրաստ է նոր հարվածներ հասցնել Սիրիային, եթե տեղեկություններ ստացվեն այնտեղ նոր քիմիական հարձակման մասին։ Այս մասին հայտարարել է Ֆրանսիայի պաշտպանության նախարար Ֆլորանս Փարլին։

«Սիրիային հասցված հարվածների նպատակը այն էր, որ Ասադին թույլ չտանք կրկնել նման հարձակումները։ Եթե նման դեպքերը կրկնվեն, մենք կարող ենք դիտարկել նոր հարվածներ հասցելու հնարավորությունը», - ասել է Փարլին։

«Ապրիլի 14-ին հասցված հարվածը նախազգուշական էր։ Քանի որ Սիրիայում հատել էին կարմիր գիծը (քիմիական զենքի օգտագործում), դրան պետք է հետևեր համապատասխան արձագանք։ Մենք չենք կարող թույլ տալ, որ քիմիական զենքն օգտագործվի․ արգելված զինատեսակների դեմ պետք է պայքարել», - շարունակել է նախարարը։

Նա ընդգծել է, որ հարվածները հասցնելիս խոցվել են նախանշված բոլոր թիրախները։ Նախարարը չի մեկնաբանել ԶԼՄ-ներում շրջանառվող այն տեղեկությունները, որ Ֆրանսիայի զինված ուժերին չի հաջողվել մի շարք հրթիռներ արձակել տեխնիկական խնդիրների պատճառով։

«Չեն ցանկանում մեկնաբանել այն տեղեկությունները, որոնք վերաբերվում են ռազմական գաղտնիքներին», - ասել է Փարլին։

Աղբյուր՝  http://tass.ru/mezhdunarodnaya-panorama/5183369