Սիրիային ԱՄՆ-ի հասցրած ավիահարվածները չեն պահանջել Կոնգրեսի հաստատումը
2018 թ․ ապրիլին Սիրիայում ԱՄՆ-ի կատարած ավիահարվածները չեն պահանջել Կոնգրեսի հաստատումը, քանի որ այդ հարցը վերաբերել է ԱՄՆ-ի ազգային շահերին։ Այս մասին գրում է Ռիա Նովոստի-ն՝ հղում կատարելով Defense News-ին։
Հունիսի 1-ին ԱՄՆ-ի արդարադատության նախարարությունը ներկայացրել է 22 էջանոց զեկույց, որը վերաբերվում էր Սիրիայում ամերիկյան ավիահարվածներին։ Զեկույցում առաջ է քաշվում այն թեզը, որ այդ ավիահարվածներն ուղղված էին տարածաշրջանում կայունության հաստատմանը, հումանիտար աղետի վերացմանը և հակառակորդին քիմիական զենք կիրառելուց հետ պահելուն։ Զեկույցում հիշեցվում է նաև, որ նման դեպքեր եղել են նաև նախկինում։ Որպես օրինակ բերվում է Բարաք Օբամայի որոշմամբ Լիբիային և Եմենին հասցված ավիահարվածները։
Արդարադատության նախարարության այս բացատրությունը դժգոհության ալիք է բարձրացրել կոնգրեսականների շրջանում։ Վիրջինիա նահանգից դեմոկրատ կոնգրեսական Թիմ Քեյլը արդարադատության նախարարության այս բացատրությունը համարել է «անիմաստ»։ Նրա խոսքով՝ դա անհեթեթություն է, քանի որ նախագահը կարող է ցանկացած ժամանակ կիրառել «ազգային շահերի» մասին հայեցակարգը, որպեսզի դրանով բացատրի ռազմական ագրեսիան և այդպիսով շրջանցի կոնգրեսը։