Եթովպիայի վարչապետի հանրահավաքի ժամանակ տեղի ունեցած պայթյունի հետևանքով տուժածների թիվը հասել է 156-ի
Եթովպիայի մայրաքաղաք Ադիս Աբեբայում տեղի ունեցած պայթյունի հետևանքով տուժածների թիվը հասել է 156–ի, զոհվել է մեկ մարդ։ Այս մասին հայտնել է Եթովպիայի առողջապահության նախարարությունը։
Ավելի վաղ հաղորդվում էր 132 տուժածի մասին։
Առողջապահության նախարարի խոսքով՝ ներկա պահին բուժզննում է անցնում 50 մարդ։ Ավելի վաղ բուժզննում անցած հինգ հոգին արդեն դուրս են գրվել հիվանդանոցից և ուղարկվել տուն։ Տուժածներից ութի վիճակը ծայրահեղ ծանր է։
Ռիա Նովոստի-ն հիշեցնում է, որ հունիսի 23-ին Ադիս Աբեբայում Եթովպիայի վարչապետի աջակիցների հանրահավաքի ժամանակ պայթյուն էր տեղի ունեցել։
Միջոցառման կազմակերպչի խոսքով՝ նռնակը նետել են բեմահարթակի ուղղությամբ, որտեղ ելույթ էր ունենում վարչապետը։ Վերջինս, բարեբախտաբար, չի տուժել։