Իսրայելի տարածքը ենթարկվել է հրթիռակոծության
Իսրայելը Գազայի հատվածից ենթարկվել է հրթիռային հարձակման։ Այս մասին հայտնում է Իսրայելի բանակի մամուլի ծառայությունը։
«Ձայնային ազդաշնանից հետո Գազայի հատվածի հետ սահմանակից Շաար Նեգև բնակավայրից հաղորդում ստացվեց, որ Գազայի հատվածից մեկ հրթիռ է արձակվել Իսրայելի տարածքի ուղղությամբ», - ասվում է իսրայելական բանակի մամուլի ծառայության տարածած հաղորդագրության մեջ։
Ավելի ուշ տեղեկություններ ստացվեցին, որ Իսրայելի ուղղությամբ արձակվել է 9 հրթիռ, որոնից մեկը խոցվել է Իսրայելի հակաօդային պաշտպանության համակարգերի կողմից։
ՏԱՍՍ-ը հիշեցնում է, որ մայիսի 29-ին պաղեստինցի ծայրահեղականներն Իսրայելի ուղղությամբ ուղարկել էին 100 հրթիռ և ռումբ, ինչի հետևանքով վիրավորվել էր 3 իսրայելցի զինվոր։
Ի պատասխան՝ Իսրայելը գրոհել էր «ՀԱՄԱՍ» և «Իսլամական ջիհադ» խմբավորումների՝ պաղեստինյան անկլավում գտնող 70 դիրք։
Արդեն հունիսի 20-ին Իսրայելի ուղղությամբ արձակվել է ավելի քան 45 հրթիռ, որոնցից 7-ը չեզոքացվել է, իսկ 3-ը՝ ընկել է իսրայելական բնակավայրերի վրա։ Տեղի ունեցածից հետո իսրայելական բանակը գրոհել էր «ՀԱՄԱՍ» խմբավորման ռազմական 25 հենակետեր։