ԱՄՆ-ի գլխավորած կոալիցիան ընդունում է իր մեղքը Սիրիայում և Իրաքում շուրջ 940 խաղաղ բնակչի մահվան մեջ
Սիրիայում և Իրաքում ԱՄՆ-ի գլխավորած միջազգային կոալիցիայի ավիահարվածների հետևանքով զոհվել է 939 խաղաղ բնակիչ։ Այս մասին, ինչպես գրում է Ռիա Նովոստի-ն, ասվում է կոալիցիայի հրապարակած զեկույցում։
«ԱՄՆ-ը և դաշնակիցները 2014 թ․ օգոստոսից Սիրիայում և Իրաքում իրականացնում են «Անսասան վճռականություն» անունն ստացած ռազմական գործողությունը, որն ուղղված է Իսլամական պետության դեմ։ Հատկանշանակ է, որ Սիրիայում նրանք գործում են առանց այդ երկրի օրինական իշխանությունների թույլտվության։ ՌԴ արտաքին գործերի նախարարությունը բազմիցս հիշեցրել է, որ Միացյալ Նահանգներն այդպիսով խախտում է միջազգային իրավունքը», - գրում է Ռիա Նովոստի-ն։
Նշվում է, որ այս 4 տարվա ընթացքում կոալիցիան իրականացրել է 29 596 օդային հարված։
«Այս ընթացքում, հիմնվելով Համատեղ միացյալ օպերատիվ խմբի տվյալների վրա, հարվածների հետևանքով ակամա զոհվել է 939 քաղաքացիական անձ», - ասվում է կոալիցիայի հրապարակած զեկույցում։
Այս տարվա մայիսի տվյալներով՝ այդ թիվը կազմում էր 892 մարդ։