Ս-400 համակարգի ձեռքբերումն անհրաժեշտություն է Թուրքիայի համար․ Չավուշօղլու
Ռուսական Ս-400 համակարգը ձեռք բերելու մասին Անկարայի որոշումը պայմանավորված է երկրի օդային սահմանները պաշտպանելու հրատապ անհրաժեշտությամբ։
Այս մասին ՆԱՏՕ-ի գագաթնաժողովի շրջանակներում անցկացվող NATO Engages համաժողովի ժամանակ հայտարարել է Թուրքիայի արտաքին գործերի նախարար Մևլութ Չավուշօղլուն։
«Թուրքիան ինքնիշխան պետություն է, որը պետք է ձեռնարկի անհրաժեշտ բոլոր քայլերը սեփական սահմանների անվտանգությունն ապահովելու համար», - նշել է Չավուշօլղուն։
«Մենք 10 տարվա ընթացքում փորձում էինք նման համակարգ ձեռք բերել ԱՄՆ-ից, սակայն այդ փորձերն այդպես էլ հաջողությամբ չպսակվեցին։ Թուրքիան դիմել է նաև ՆԱՏՕ-ի անդամ մյուս դաշնակիցներին, սակայն ապարդյուն։ Սա է պատճառը, որ մենք ընդունել ենք ռուսական առաջարկը», - շարունակել է Թուրքիայի ԱԳ նախարարը։
Նա նաև ընդգծել է, որ չի հավատում պատժամիջոցներին, սակայն, «եթե որևէ մեկը փորձի գնալ այդ քայլին, ապա Անկարան դա անպատասխան չի թողնի»։
Հիշեցնենք, որ նախորդ տարվա դեկտեմբերին Թուրքիան և Ռուսաստանը համաձայնագիր են կնքել Ս-400-ի ձեռքբերման վերաբերյալ։ Ըստ համաձայնագրի՝ Անկարան պետք է գնի զենիթահրթիռային այս համակարգի երկու մարտկոց։
Միացյալ Նահանգները և ՆԱՏՕ-ն բազմիցս քննադատել են Թուրքիային այս համաձայնագրի համար։ ԱՄՆ պետքարտուղարի օգնական Ուես Միթչելի խոսքով՝ Ս-400-ի ձեռքբերումը կարող է բացասականորեն ազդել ամերիկյան Ֆ-35 կործանիչների՝ Թուրքիա մատակարարման վրա։
Ի պատասխան՝ Անկարան հայտարարեց, որ միջոցներ կձեռնարկի, եթե Միացյալ Նահանգները փորձի կենսագործել հնչեցրած սպառնալիքները։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
