Իսրայելը և ՀԱՄԱՍ խմբավորումը դադարեցրել են կրակը Գազայի հատվածում
Իսրայելցի զինվորականները և պաղեստինյան խմբավորումներն օտարերկրյա միջնորդների միջամտությունից հետո դադարեցրել են կրակը Գազայի հատվածում։ Այս մասին Ռիա Նովոստի-ին հայտնել է ՀԱՄԱՍ խմբավորման ներկայացուցիչը։
Իսրայելի պաշտպանության բանակը, ի պատասխան Գազայի հատվածի հետ սահմանում դիուկահարի կողմից իսրայելցի զինվորի սպանության, մի քանի ժամ գնդակոծել է անկլավը՝ ոչնչացնելով շուրջ 70 թիրախ։
Այս անգամ պաղեստինցինեը զերծ են մնացել պատասխան գրոհ ձեռնարկելուց՝ սահմանափակվելով ընդամենը երեք հրթիռային հարվածներով, որոնցից երկուսը չեզոքացվել են Իսրայելի պաշտպանության բանակի ՀՕՊ համակարգերի կողմից։
«Եգիպտոսի և միջազգային միջնորդների ջանքերի շնորհիվ հաջողվել է ապահովել վերադարձ նախկին իրադրությանը օկուպացիոն ուժերի և պաղեստինյան խմբավորումների միջև», - նշել է լրատվականի զրուցակիցը։
Իսրայելի պաշտպանության բանակի իրականացրած հարվածների հիմնական թիրախներն էին ՀԱՄԱՍ խմբավորման հրամանատարական երեք կենտրոնները։ Հարվածների հետևանքով ոչնչացվել է ծայրահեղական խմբավորման 60 շենք և օբյեկտ, հասցվել է նյութական խոշոր չափի վնաս։ Ռմբակոծությունների արդյունքում պաղեստինյան կողմից զոհվել է 3 մարդ։