Սիրիացի շուրջ 7 միլիոն փախստական շարունակում է մնալ աշխարհի 45 երկրում
Սիրիացի մոտ 7 միլիոն գրանցված փախստական շարունակում է գտնվել 45 պետության տարածքում։ Այս մասին ասվում է Սիրիայում հակամարտող կողմերի հաշտեցման ռուսական կենտրոնի հրապարակած տեղեկագրում։
«Ընդհանուր տվյալներով՝ աշխարհի 45 երկրում այս պահին կա սիրիացի 6,905,685 գրանցված փախստական, որոնցից 2,071,706-ը կին է, իսկ 3,521,899-ը՝ երեխա», - ասվում է տարածված փաստաթղթում։
Հատկանշանակ է, որ Լիբանանից, Թուրքիայից, Գերմանիայից, Հորդանանից, Իրաքից, Եգիտոսից, Բրազիլիայից և Դանիայից շուրջ 1,5 միլիոն սիրիացի փախստական ցանկություն է հայտնել հայրենիք վերադառնալու։
Համաձայն հրապարակված տվյալների՝ Հորդանանում կա 667018, Լիբանանում՝ 976064, Գերմանիայում՝ 697878, Իրաքում՝ 251157, Մալթայում՝ 1 289, Բոսնիա և Հերցեգովինայում՝ 711, Լյուքսեմուրգում՝ 663, Սլովենիայում՝ 458, Հունգարիայում՝ 51, Չեխիայում՝ 39, իսկ Սլովակիայում՝ 43 սիրիացի փախստական։