ՌԴ ռազմաօդային ուժերը անօդաչու սարք են չեզոքացրել Սիրիայում ռուսական ռազմաբազայի մոտ

Սիրիայի Հմեյմիմ ավիաբազայի տարածքում Ռուսաստանի Դաշնության ռազմաօդային ուժերը ոչնչացրել են անօդաչու թռչող սարք։ Այն արձակվել է ահաբեկիչների վերահսկողության տակ գտնվող տարածքից՝ Լաթաքիա նահանգի հյուսիսից։ Այս մասին հայտնել են Սիրիայում հակամարտող կողմերի հաշտեցման ռուսական կենտրոնից։

«Ռուսական ռազմաբազան գործում է սահմանված ռեժիմով։ Զոհեր և վիրավորներ չկան։ Ավիաբազան չի կրել նաև նյութական վնաս», - ասվում է կենտրոնի տարածած հաղորդագրության մեջ։

Ռուսական ՀՕՊ համակարգերը հաճախ են չեզոքացնում անօդաչու սարքեր, որոնք փորձում են գրոհել ավիաբազան։

Միայն հուլիսի 22-ին ռուս զինվորականները կանխել են անօդաչու սարքերի երկու գրոհ։ Երկու դեպքում էլ զոհեր և վիրավորներ չեն գրանցվել։

2015 թ․ ի վեր Հմեյմիմ օդանավակայանը համարվում է ՌԴ ռազմաօդային ուժերի ավիաբազան։ Նույն տարվա աշնանից սկսած ռուսական ինքնաթիռներն այստեղից հարվածներ են հասցնում Սիրիայում ահաբեկիչների դիրքերին։

Աղբյուր՝  https://lenta.ru/news/2018/07/28/sbili/