Ավելի քան 50 մարդ է զոհվել Աֆղանստանում ԱՄՆ-ի ռազմաօդային ուժերի և «Թալիբան» շարժման հասցրած ավիահարվածների հետևանքով

Աֆղանստանի արևելյան Լոգար նահանգում ԱՄՆ ռազմաօդային ուժերի և «Թալիբան» շարժման հասցրած ավիահարվածների հետևանքով զոհվել է ավելի քան 50 խաղաղ բնակիչ և անվտանգության ուժերի զինծառայող։

Այս մասին գրում է Ռիա Նովոստի-ն՝ հղում կատարելով աֆղանական աղբյուրներին։

Նշվում է, որ օգոստոսի լույս 7-ի գիշերը շարժման զինյաները տարբեր ուղղություններից համակարգված գրոհներ են իրականացրել Ազրա թաղամասի ուղղությամբ։

«Բախումների արդյունքում զոհվել է 35 խաղաղ բնակիչ և անվտանգության ուժերի զինծառայող», - հայտնում են տվյալ նահանգի խորհրդի անդամներից։

Հաղորդվում է, որ ևս 15 ոստիկան զոհվել է ԱՄՆ-ի ռազմաօդային ուժերի հասցրած ավիահարվածների հետևանքով։

Աղբյուրի փոխանցմամբ՝ «Թալիբան» շարժման ներկայացուցիչը հաստատել է հարձակման մասին լուրերը, սակայն դրա հետևանքների մասին ոչինչ չի հայտնել։