Ռուսաստանը վերացնում է վիզային ռեժիմը թուրքական ծառայողական անձնագիր ունեցողների և բիզնեսմենների համար
Թուրքիայի արտաքին գործերի նախարար Մևլութ Չավուշօղլուն հայտարարել է, որ Ռուսաստանը վերացնում է վիզային ռեժիմը թուրքական ծառայողական անձնագիր ունեցողների և ձեռնարկատերերի համար։ Այս մասին գրում է Ռիա Նովոստի-ն։
«Ռուսաստանը կվերացնի վիզային ռեժիմը թուրքական ծառայողական անձնագիր ունեցողների և բիզնեսմենների համար», - ասել է Չավուշօղլուն։
Նախարարի խոսքով՝ նախօրեին Անկարայում ինքն այս հարցը քննարկել է ՌԴ ԱԳ նախարար Սերգեյ Լավրովի հետ։ Քննարկման արդյունքում որոշվել է, որ վիզային ռեժիմի դյուրացումը կազդի նաև բառնատարների վարորդների վրա։
«Իհարկե, մեր նպատակը վիզային ռեժիմի ամբողջական ազատականացումն է», - ընդգծել է Թուրքիայի արտգործնախարարը։
Հիշեցնենք, որ Ռուսաստանը Թուրքիայի նկատմամբ վիզային ռեժիմ էր սահմանել երկու երկրների հարաբերությունների սառեցման ֆոնին, երբ 2015 թ․ նոյեմբերին թուրքական ռազմաօդաին ուժերը Սիրիայի օդային տարածքում խոցեցին ռուսական ՍՈւ-24 կործանիչը։