Հայաստանում հիմնվելու է Կալաշնիկովի АК-12 և АК-15 նմուշների արտադրություն
Հայաստանում կհիմնվի «Կալաշնիկով» ինքնաձիգի արտադրություն։ Royalsys Engineering ltd ընկերության նախագահ Դավիթ Գալստյանը և «Կալաշնիկով» կոնցեռնի փոխտնօրեն Անդրեյ Բարիշնիկովը օգոստոսի 21-ին ստորագրել են պայմանագիր Հայաստանի Հանրապետությունում Կալաշնիկովի նոր «АК-12» և «АК-15» նմուշների արտադրություն հիմնելու նպատակով։
Այս մասին տեղեկացնում է «Արմենպրես»-ը՝ հղում կատարելով ՀՀ պաշտպանության նախարարության մամուլի խոսնակ Արծրուն Հովհաննիսյանի ֆեյսբուքյան գրառմանը։
«Չափազանց կարևոր լուր
Այսօր «Royalsys Engineering ltd. » ընկերության նախագահ Դավիթ Գալստյանը և «Կալաշնիկով» կոնցերնի փոխտնօրենը Անդրեյ Բարիշնիկովը ստորագրեցին պայմանագիր Հայաստանի Հանրապետությունում Կալաշնիկովի նոր «АК-12» և «АК-15» նմուշների արտադրություն հիմնելու նպատակով», - գրել էր Հովհաննիսյանը։