Դամասկոսը «Սպիտակ սաղավարտներին» մեղադրում է քիմիական հարձակում բեմականացնելու համար 44 երեխա առևանգելու մեջ
«Սպիտակ սաղավարտներ» կազմակերպությունն առևանգել է 44 երեխայի, որպեսզի վերջիններիս օգտագործի քիմիական հարձակման բեմականացման մեջ։ Այս մասին հայտարարել է Սիրիայի արտաքին գործերի նախարար Վալիդ Մուալլեմը։
««Սպիտակ սաղավարտներ» կոչվող կազմակերպությունն ստեղծվել է Մեծ Բրիտանիայի հատուկ ծառայությունների կողմից։ Հենց նրանք են ֆինանսավորում և ղեկավարում այդ կազմակերպությունը։ Մենք տվյալներ ունենք, որ նրանք Իդլիբում 44 երեխա են առևանգել, որպեսզի վերջիններիս օգտագործեն քիմիական հարձակման բեմականացման մեջ», - ասել է նախարարը։
Մուալլեմի խոսքով՝ նախկինում եղել են քիմիական զենքի օգտագործմամբ հարձակումների բեմականացումներ, և «այժմ Միացյալ Նահանգները Իդլիբում պատրաստվում է նմանատիպ նոր սադրանքի»։
«Սա արվում է «Ջեբհաթ ալ-Նուսրա» ահաբեկչական խմբավորմանը պաշտպանելու համար», - շարունակել է Սիրիայի ԱԳ նախարարը՝ հավելելով, որ Դամասկոսը շարունակելու է ահաբեկչության դեմ պայքարը։
Հիշեցնենք, որ ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան նույնպես հայտարարել էր, որ Իդլիբում նախապատրաստվում է քիմիական հարձակման բեմականացում։
Աղբյուր՝ https://ria.ru/syria/20180830/1527526457.html?referrer_block=index_main_1