Առաջիկայում նախատեսվում է նոր հանդիպում Նիկոլ Փաշինյանի և Վլադիմիր Պուտինի միջև․ Լավրով

Տեղադրվել է 03/09/2018.
© РИА Новости / Алексей Никольский

Առաջիկայում ծրագրվում է հանդիպում Հայաստանի Հանրապետության վարչապետ Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի միջև։ Այս մասին հայտարարել է ՌԴ արտաքին գործերի նախարար Սերգեյ Լավրովը։

«Մոտ ապագայում սպասվում է ևս մեկ հանդիպում վարչապետ Փաշինյանի և նախագահ Պուտինի միջև։ Կարծում եմ՝ մեզ համար շատ կարևոր է, թե ինչպես է Հայաստանի նոր առաջնորդը տեսնում իր երկրում իրավիճակի զարգացման հեռանկարները։ Մենք, իհարկե, անտարբեր չենք ՀԱՊԿ-ի առաջ Հայաստանի պարտավորությունների նկատմամբ։ Այդ պարտավորությունները պետք է ամբողջությամբ կատարվեն։ Սա կարևոր է նաև մեր ընդհանուր կազմակերպության հեղինակության ամրապնդման տեսանկյունից», - Մոսկվայի միջազգային հարաբերությունների պետական ինստիտուտում ունեցած ելույթի ժամանակ հայտարարել է Լավրովը։

Ավելի վաղ Լավրովը, մեկնաբանելով Մարտի 1-ի գործը, հայտարարել էր, որ Հայաստանում տեղի ունեցող իրադարձությունները հակասում են նոր իշխանությունների՝ քաղաքական հետապնդումերից հրաժարվելու մասին հայտարարություններին։ Նրա խոսքով՝ Մոսկվան, որպես Երևանի դաշնակից, մշտապես հետաքրքրված է Հայաստանի կայունությամբ։

Որոշիչ բառեր: Նիկոլ Փաշինյան, Վլադիմիր Պուտին, Սերգեյ Լավրով

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.