Թրամփը հայտարարել է, որ Ասադին վերացնելու հրաման չի տվել
ԱՄՆ նախագահ Դոնալդ Թրամփը հայտարարել է, որ իր խորհրդականների հետ երբեք չի քննարկել Բաշար Ասադին վերացնելու հարցը։ Այս մասին Թրամփը խոսել է լրագրողների հետ Սպիտակ տանը կայացած հանդիպման ժամանակ։
Այսպես նա մեկնաբանել է The Washington Post թերթի խմբագիր Բոբ Վուդվորդի՝ «Վախ․ Թրամփը Սպիտակ տանը» վերնագրով գիրքը, որտեղ ասվում է, որ 2017 թ․ Թրամփը հրահանգել է սպանել Սիրիայի նախագահ Բաշար Ասադին։
«Նման բան երբեք չի քննարկվել», - ասել է Թրամփը։
Վերոնշյալ գրքում, որը վաճառքի դուրս կգա սեպտեմբերի 11-ից, պատմվում է, որ նախորդ տարի նախագահ Դոնալդ Թրամփը հեռախոսազրույցի ընթացքում պաշտպանության նախարար Ջեյմս Մեթիսին հրահանգել է վերացնել Սիրիայի նախագահ Բաշար Ասադին։ Պենտագոնի ղեկավարը, սակայն, չի կատարել հրամանը։
Գրքում նշվում է նաև, որ Սպիտակ տան աշխատակազմի ղեկավար Ջոն Քելլին գործընկերների հետ զրույցում Թրամփին անվանել է ապուշ և ասել, որ վերջինս «խելքը թռցրել է»։
Բացի այդ, հեղինակը պատմել է, որ նախագահի պարավորություններն ստանձնելուց մեկ ամիս անց Թրամփը գեներալ Ջոզեֆ Դենֆորդին խնդրել է Հյուսիսային Կորեային հարվածներ հասցնելու պլան մշակել, ինչը ցնցել է գեներալին։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
