Ֆրանսիայի իրավապահները գործողություններ են իրականացնում մուսուլմանական կազմակերպության շտաբ-բնակարանում
Ֆրանսիայում մուսուլմանական կազմակերպության շտաբ-բնակարանում շուրջ 200 ոստիկաններ իրականացնում են հակաահաբեկչական գործողություններ։ Այս մասին գրում է Ռիա Նովոստի-ն՝ հղում կատարելով France Info ռադիոկայանին։
«Այսօր՝ առավոտյան 06:00-ից սկսած ոստիկանությունը գործողություններ է իրականացնում Գրանդ-Սենթ համայնքում։ Այս գործողություններն անցկացվում են ահաբեկչության դեմ պայքարի շրջանակներում։ Centre Zahra France կազմակերպության գործունեությունն ուշադրության կենտրոնում է՝ վերջինիս ղեկավարների կողմից ահաբեկչական մի շարք կազմակերպություններին օժանդակելու համար», - ասվում է իրավապահների տարածած հայտարարության մեջ։
Ոստիկանության փոխանցմամբ՝ զննություններ են կատարվում նաև կազմակերպության հիմնական ղեկավարների 12 բնակարաններում։
Europe 1 ռադիոալիքի փոխանցմամբ՝ տվյալ շիական կազմակերպությունը հայտնի է իր հակասիոնիստական հռետորաբանությամբ, հատկապես՝ սոցիալական ցանցերում։