Նիդերլանդներն արտաքսել է ՌԴ չորս քաղաքացիների, որոնք կասկածվում են կիբերհարձակում իրականացնելու մեջ

Տեղադրվել է 04/10/2018.
© REUTERS / Piroschka van de Wouw

Նիդերանդներն արտաքսել են չորս ռուսաստանցու, որոնք, իբր, փորձել են կիբերհարձակում իրականացնել Քիմիական զենքն արգելող կազմակերպության վրա։ Այս մասին, ինչպես գրում է Ռիա Նովոստի-ն, հայտարարել են Նիդերլանդների պաշտպանության նախարարությունից։

Ինչպես հայտնում է գերատեսչության ղեկավար Անկ Բեյլեվելդը, Ռուսաստանի քաղաքացիներն արտաքսվել են դեռ ապրիլի 13-ին։ Նրանք ունեցել են դիվանագիտական անձնագրեր։

Ավելի ուշ Նիդերլանդների ռազմական հետախուզության ղեկավար Օննո Էլհեյսեյնը հնչեցրել էր արտաքսված անձնանց անունները։ Նրանք են՝ Ալեքսեյ Մորենեցը, Եվգենիյ Սերեբրյակովը, Օլեգ Սոտնիկովը և Ալեքսեյ Մինինը։

Ամստերդամի պնդմամբ՝ ռուսները փորձել են հասանելիություն ստանալ MH17 ինքնաթիռի կործանման գործի փաստաթղթերին։

Նիդերլանդներում ՌԴ գործերի ժամանակավոր հավատարմատարը կանչվել է արտգործնախարարություն բացատրություններ ստանալու համար։

ՔԶԱԿ-ում ՌԴ մշտական ներկայացուցչությունը չի մեկնաբանել Նիդերլանդների պաշտպանության նախարարության այս հայտարարությունը։ Մեկնաբանություններից ձեռնպահ է մնացել նաև ՌԴ արտաքին հետախուզության ծառայությունը։

Իր հերթին, ՔԶԱԿ-ում Նիդերլանդների մշտական ներկայացուցիչ Պիտեր Ուիլսոնը հայտարարել է քիմիական զենք օգտագործելու և կիբերհարձակումների համար պատժամիջոցներ սահմանելու անհրաժեշտության մասին։

ՌԴ Պետդումայի պատգամավոր Վլադիմիր Ջաբարովն արդեն խոստացել է հայելային պատասխան տալ Նիդերլանդներին ՌԴ քաղաքացիների արտաքսմանն ի պատասխան։

Որոշիչ բառեր: Նիդերլանդներ, Ռուսաստան, ՔԶԱԿ

Վերջին հոդվածները

Տեսնել բոլոր հոդվածները

We use cookies to ensure that we give you the best experience on our website. You may delete and block all cookies from us, but certain parts of the site may not work properly.