Լեհաստանը ողջ Արևմուտքին կոչ է անում համախմբվել Ռուսաստանի դեմ

Արևմուտքը պետք է համախմբվի Ռուսաստանի դեմ։ Այս մասին Վարշավայի անվտանգության ֆորումի  ընթացքում հայտարարել է Լեհաստանի ազգային անվտանգության բյուրոյի ղեկավար Պավել Սոլոխը։

«Ռուսաստանը ռազմավարական անվտանգության մարտահրավեր է ոչ միայն Լեհաստանի, այն նաև տարածարշրջանի և մայրցամաքի համար։ Այս մարտահրավերը կարող է հասնել նաև համաշխարհային մակարդակի», - ասել է Սոլոխը։

Նրա խոսքով՝ Մոսկվան փորձեր է ձեռնարկում համաշխարհային անվտանգությունը և աշխարհակարգը խախտելու։

«Մեր միասնությունն այժմ անհրաժեշտ է ավելի քան երբևէ։ Պետք է միավորվել ոչ միայն ՆԱՏՕ-ի շրջանակում, այլ նաև ամբողջ արևմտյան համայնքի մակարդակով։ Մեր պատասխանը պետք է լինի կոորդինացված», - ասել է բյուրոյի ղեկավարը։

Խոսելով Լեհաստանում ՆԱՏՕ-ի մշտական ռազմաբազա տեղակայելու ծրագրերի մասին՝ Սոլոխը նշել է, որ դա ներդրում է անվտանգության ոլոտում։

«Միացյալ Նահանգները շատ լուրջ է վերաբերվում ռազմավարական պարտավորություններին։ Սրա ամենացայտուն օրինակներից մեկը Լեհաստանում ամերիկյան զորքերի ներկայության ամրապնդումն է», - ասել է նա։