Ջոն Բոլթոնը ժամանել է Երևան
ԱՄՆ նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնը ժամանել է Երևան։ Այս մասին գրում է «Արմենպրես»-ը՝ հղում կատարելով ՀՀ Ազգային անվտանգության խորհրդի քարտուղար Արմեն Գրիգորյանի ֆեյսբուքյան գրառմանը։
«Քիչ առաջ «Զվարթնոց» օդանավակայանում դիմավորեցի ԱՄՆ նախագահի ազգային անվտանգության հարցերով խորհրդական Ջոն Բոլթոնին», - գրել է Գրիգորյանը։
Ինչպես նշում է «Արմենպրես»-ը, Բոլթոնը Հայաստանում բացի Արմեն Գրիգորյանից հանդիպումներ է ունենալու նաև վարչապետի պաշտոնակատար Նիկոլ Փաշինյանի, պաշտպանության նախարարի պաշտոնակատար Դավիթ Տոնոյանի և արտաքին գործերի նախարարի պաշտոնակատար Զոհրաբ Մնացաանյանի հետ։
Բոլթոնը Երևան է ժամանել Բաքվից։ Ավելի վաղ նա եղել է նաև Մոսկվայում։ Նախատեսվում է այցելել նաև Վրաստան։